Imaxe de carné de Francisco Fernández del Riego Fonte: https://shorturl.at/girw4 |
Francisco Jesús Benito Antonio Fernández del Riego naceu en Lourenzá (Lugo) o 7 de xaneiro de 1913. A vila luguesa, achegada ao extremo norte do país, foi o seu espazo de crecemento. O sitio de orixe, segundo comenta o mesmo Fernández del Riego na súas memorias, era “de escasas dimensións e pequenas rúas”. Compartía o fogar co avó e a avoa materna, quen, segundo narra Malores Villanueva, alimentou o espírito literario de Francisco a través das cantigas populares que adoitaba cantarlle cando era un cativo.
Máis tarde, a algúns quilómetros da vila inicial, no Instituto de Lugo, o mozo Francisco continuaría a súa formación académica e anos despois, tras rematar o bacharelato, Francisco marcharía a Madrid, coa intención de iniciar os seus estudos en Dereito na Universidade Central. Alí, del Riego experimenta en primeiro termo a activa mobilización universitaria. Os anos previos á instauración da República serían de gran dinamismo político na capital e Francisco ingresa á Agrupación al Servicio de la República.
No entanto, en 1931, o pai de Francisco experimenta unha preocupación pola efervescencia política da capital e Fernández del Riego, xunto con toda a súa familia, marchan a Santiago de Compostela coa intención de que continuase os seus estudos. A súa chegada non só supuxo unha continuación da súa formación universitaria, senón que tamén significou o seu vencello co Seminario de Estudos Galegos, onde participaría activamente durante os anos seguintes. Xa que logo, a súa integración coas Mocedades Galeguista sería o paso consecuente na súa traxectoria política. Sobre todo, nun momento en que a discusión sobre un posible Estatuto de autonomía está no centro de importantes conversas. Durante o mesmo período, del Riego non abandona o seu interese pola produción editorial e aproveita para publicar e participar en diferentes xornais e revistas: Alento, Universitarios, A Nosa Terra e Ser.
Fonte: Cabeceira do primeiro número de A Nosa Terra |
Porén, a actividade política e intelectual de Fernández del Riego muda trala guerra. Chega a Vigo en 1939 e traballa no despacho de Valentín Paz Andrade. Un ano despois, casa con Evelina Hervellena, científica en formación que chegaría a Santiago de Compostela en 1933, lugar onde tería o seu encontro co autor. Durante os mesmos anos, Francisco decide, xunto con Enrique Peinador e Manuel Gómez Román, reorganizar o Partido Galeguista. Proxecto que rematou coa detención de Ramón Piñeiro, pero que demostrou a enorme ansia de Francisco por dar continuidade aos seus propios proxectos políticos.
Durante 1948, Fernández del Riego e Xaime Isla, quen coñecera anos antes no grupo Ultreya, presentan un suplemento ao xornal sabatino La Noche. Experiencia que serviu como antecedente para a creación da Editorial Galaxia, que celebra a súa asemblea fundacional en 1950. Como se pode supoñer, a relación de del Riego e Isla foi moi frutífera no eido editorial durante esta década.
Vigo en 1944 Fonte: Extraída de De Compostela ao exilio interior. Francisco Fernández del Riego. |
En 1951, un ano despois do nacemento de Galaxia, Fernández del Riego busca atopar o xeito de iniciar unha publicación periódica. Xa que logo, xunto coa colaboración de Ramón Piñeiro, publica Grial. Con todo, convén recoñecer a historia desta revista en dous momentos, o primeiro, asociado a 1951, ata a chegada da censura, e un segundo, que se mantén ata os nosos días, que inicia en 1963.
Del Riego tivo tamén relevancia na prensa da emigración galega e foi colaborador dalgúns xornais como Galicia Emigrante, Vieiros ou a Revista do Centro Galego de Bos Aires, na que participou reiteradamente.
Francisco Fernández del Riego publicou máis de trinta ensaios e asumiu a coordinación de proxecto editoriais como a Historia da literatura galega de Carvalho Calero ou a colección de poesía Salnés. Como afirma Dolores Vilavedra, a súa obra tivo especial relevancia na formación e transmisión da historia literaria e cultural galega. Destacan, por exemplo, a súa Historia de la literatura gallega (1951) ou as súas diversas escolmas de poesía, que permitiron dar forma a unha xeración poética. Xa que logo, o papel de Fernández del Riego foi fundacional na construción do noso sistema literario e na formalización dos procesos de transmisión cultural.
En 1997, del Riego é asignado como presidente da Real Academia Galega. Cargo que ocupa durante os catro anos correspondentes. Finalmente, o 16 de novembro de 1997, Francisco Fernández del Riego morre na súa residencia en Vigo.
Francisco Fernández del Riego na Real Academia Galega. Fonte: Extraída de Extraído de Galiciana Arquivo Dixital Galicia. |
Els continguts del web CRAI UB estan subjectes a la llicència de Reconeixement de Creative Commons 4.0, llevat que s'hi indiqui el contrari.